Ae kash kabhi woh waqt aeye

Ae kash kabhi woh waqt aeye
Mein daur kahin kho jaoon

Woh dhoonday mujh ko nagar nagar
Mein phir nah kabhi usay mil paon

Woh dhoonday mujh ko pani mein
Mein barish ban kar beh jaoon

Woh beech samandar dhoonday phir
Mein lehron mein hi kho jaoon

Woh dhoonday daur pahoron mein
Mein pathar ka buut ban jaoon

Ae kash kabhi woh waqt aeye
Mein daur kahin hon kho jaoon

Woh dhoonday kohistanon mein
Mein barf ki terhan jim jaoon

Woh dhoonday nangay paon mujhe
Pas daur kahin viranoon mein

Mein uskay paon ki dhool banon
Par nah mil sakun mastanay ko

Woh thak ke khaali aankhon se
Yun dekhe jab asmano ko

Mein daur kahin un taron mein
Pas is ko dekh ke maskaon

Meri chahat pay jo hanstaa tha
Pas betha ho ga begana yun

Ae kash kabhi woh waqt aeye
Mein daur kahin kho jaoon